Mədəniyyət və Turizm Nazirliyi aprelin 12-də Bakıda açılacaq “AİTF-2012” beynəlxalq turizm və səyahətlər sərgisində 50 kvadratmetr sahədə xüsusi quraşdırılmış stendlə iştirak edəcək. Nazirliyin Turizm şöbəsindən verilən məlumatda bildirilir ki, lövhədə Mədəniyyət və Turizm Nazirliyi tərəfindən çap edilmiş Azərbaycanın daxili turizm imkanlarını əks etdirən reklam-çap məhsulları, CD-lər, broşürlər, bukletlər nümayiş etdiriləcək.
   Turizm şöbəsindən aldığımız məlumatda o da qeyd edilir ki, bu il ilk dəfə olaraq AİTF sərgisində Dünya Turizm Təşkilatı da ayrıca stendlə təmsil olunacaq. Bu da bu nüfuzlu turizm qurumunun Azərbaycanda keçirilən sərgiyə böyük diqqət və marağının nəticəsidir. 
   
  Fəxriyyə Abdullayeva