Noyabrın 8-də Beynəlxalq Muğam Mərkəzində Zəfər Gününə və BMM-in fəaliyyətə başlamasının 15 illiyinə həsr olunmuş konsert proqramı təqdim edilib.

Konsertdə BMM-in direktoru Əməkdar artist Sahib Paşazadə çıxış edərək qonaqları salamlayıb və Zəfər Günü münasibətilə kollektiv adından təbriklərini çatdırıb.

Qeyd olunub ki, 15 il əvvəl Prezident İlham Əliyev və Birinci vitse-prezident Mehriban Əliyevanın iştirakı ilə Beynəlxalq Muğam Mərkəzinin açılışı olub. Heydər Əliyev Fondunun möhtəşəm layihələri sırasında xüsusi əhəmiyyəti olan bu mərkəzin inşası Mehriban xanım Əliyevanın təşəbbüsü ilə həyata keçirilib.