Mayın 31-də Dövlət Uşaq Filarmoniyasının Uşaqların Beynəlxalq Müdafiəsi Gününə həsr olunmuş “Sülh göyərçinləri” adlı hesabat konserti təşkil olunacaq.

Filarmoniyadan bildirilib ki, proqramda Dövlət Uşaq Filarmoniyasının “Musiqili Uşaq Teatrı”, “Sədəf” xalq çalğı alətləri ansamblı, “Güləbətin” vokal ansamblı, “Şəms” uşaq xoru, oğlan və qızlardan ibarət rəqs ansamblı çıxış edəcək.

Konsert Azərbaycan Dövlət Gənc Tamaşaçılar Teatrında keçiriləcək.