İtalyan türkoloq Ettori Rossinin “Dədə Qorqud kitabı” ilə bağlı araşdırmalar”ı Azərbaycan dilində nəşr olunub.

Bu barədə AMEA Folklor İnstitutundan məlumat verilib. Bildirilib ki, institutun Türk xalqları folkloru şöbəsinin böyük elmi işçisi filologiya üzrə fəlsəfə doktoru Qumru Şəhriyarın tərcümə və tərtib etdiyi kitabda alimin əsəri tam şəkildə təqdim olunub, bəzi məqamlarda izah və şərhlər də verilib. Kitabın elmi redaktoru filologiya elmləri doktoru, professor Əfzələddin Əsgərdir.

Ettori Rossi “Dədə Qorqud kitabı”nın ikinci əlyazmasının, yəni Vatikan nüsxəsinin mətnini və italyanca tərcüməsini geniş “Ön söz”lə birliklə nəşr etdirib.