Beyləqan rayonunun Birinci Şahsevən kəndi sakinlərinin çoxsaylı müraciətləri nəzərə alınaraq, Mil-Muğan Regional Mədəniyyət İdarəsinin tabeliyində fəaliyyət göstərən Birinci Şahsevən kənd Diyarşünaslıq evində rəqs dərnəyi və gitara kursu açılıb.

Rəqs dərnəyində təlimçi, bu sahədə təcrübəsi və nailiyyətləri olan Mehparə Abdullayeva, gitara kursunda isə tanınmış gitaraçı Əliheydar Əbilov uşaq və yeniyetmələrə bu sənətlərin sirlərini öyrədəcəklər.

Yaxın vaxtlarda Diyarşünaslıq evində qarmon, piano və nağara kurslarının da açılması nəzərdə tutulub.

Kurslara yazılmaq istəyənlər Beyləqan rayon Mədəniyyət Mərkəzi (050 399-49-41) və Birinci Şahsevən kənd Diyarşünaslıq evi ilə (050 868-48-48) əlaqə saxlaya bilərlər.

Nurəddin