Başqırdıstan (Rusiya Federasiyası) paytaxtının sakinləri və qonaqları üç gün ərzində müxtəlif şəhərlərdən olan aktyorların ifasında 40 tamaşa, performans və interaktiv səhnəciyi izləyə biləcəklər.

25-27 avqust tarixlərində Ufa şəhərində küçə teatrları festivalı təşkil ediləcək.

Festivala Moskva, Sankt-Peterburq, Perm, Yoşkar-Ola, Kazan, Çelyabinsk və digər şəhərlərdən artistlər qatılacaq.

Avqustun 25-də bütün festival iştirakçılarının iştirakı ilə teatrallaşdırılmış açılış mərasimi olacaq. Sonrakı iki gündə Ufanın mərkəzi küçələrində karnaval yürüşü keçiriləcək.