Cəfər Cabbarlı adına Respublika Gənclər Kitabxanasında 15 Sentyabr - Bilik Günü münasibətilə virtual və ənənəvi kitab sərgisi hazırlanıb.

Kitabxanadan bildirilib ki, virtual sərgidə “Heydər Əliyev Azərbaycan dili və azərbaycançılıq”, “Təhsilimiz dünəndən sabaha”, “Azərbaycan təhsili yeni inkişaf mərhələsində”, “Azərbaycan Xalq Cümhuriyyətinin təhsil siyasəti”, “Azərbaycan məktəbi” kimi 15-dən çox kitabın qısa annotasiyası, dövri mətbuat məqalələrindən nümunələr təqdim edilir.

Materialda Ümummilli Lider Heydər Əliyevin şərəfli müəllimlik peşəsi haqqında söylədiyi dəyərli fikirlər, son illərdə ölkəmizdə təhsil sistemində aparılan islahatlar öz əksini tapıb.

Həmçinin Heydər Əliyev Fondunun dəstəyi ilə tikilən və yenidən bərpa edilən məktəblər, təhsil kompleksləri haqqında məlumatlar yer alıb.

Materiallarla kitabxananın rəsmi saytından https://ryl.az/multimedia/bilik-gunu tanış olmaq mümkündür.

***

Milli Kitabxanada “15 Sentyabr - Bilik Günü” adlı virtual sərgi və ənənəvi kitab sərgisi istifadəçilərə təqdim olunub.

Kitabxanadan bildirilib ki, virtual sərgidə mövzu ilə əlaqədar fotolar, kitablar və dövri mətbuat səhifələrində dərc olunan məqalələr təqdim olunur.

Ənənəvi sərgidə Azərbaycanda təhsil tarixi, elm və təhsil siyasəti, milli təhsil strategiyası, ölkəmizdə təhsilin inkişafına göstərilən diqqət və qayğıdan və s. bilik günü mövzusunda Azərbaycan və xarici dillərdə ədəbiyyatlar nümayiş olunur.

Ənənəvi sərgi bir həftə davam edəcək.

Virtual sərgi ilə tanış olmaq istəyənlər https://anl.az/el/vsb/15_Sentyabr_Bilik_gunu/ linkindən istifadə edə bilərlər.