M.Maqomayev adına Azərbaycan Dövlət Akademik Filarmoniyasının səhnəsində Azərbaycan Dövlət Akademik Opera və Balet Teatrı Simfonik orkestrinin konserti keçirilib.

Oktyabrın 26-da təşkil olunan konsertdə əvvəlcə Opera və  Balet Teatrının direktoru Xalq artisti Yusif Eyvazov proqram haqqında məlumat verib.

Sonra Azərbaycan Dövlət Akademik Opera və Balet Teatrının baş dirijoru və musiqi rəhbəri Əməkdar artist Əyyub Quliyevin idarəsi ilə solistlər – Əməkdar artistlər Rəna Rəhimova (viola), Aleksey Miltıx (violonçel), həmçinin Rəhilə Nəzərova (pikkolo), Renata Abubəkirova (violin), Murad Tağıyev (qoboy), Alim Sadıqov (qoboy), Zərifə Alxazova (violin), Çolpon Amancalova (viola), Nicat Məmmədov (fleyta), Vaqif Qurbanov (violonçel) və Mirxalid Məmmədzadə (fleyta) çıxış ediblər.

Rus və Qərbi Avropa bəstəkarlarının əsərlərinin səsləndiyi musiqi axşamı tamaşaçıların könlünü oxşayıb.