Azərbaycan Universitetində dahi Azərbaycan şairi və mütəfəkkiri Məhəmməd Füzulinin (1494–1556) anadan olmasının 530 illiyi münasibətilə ədəbi-bədii gecə keçirilib.

Tədbirdə şairin zəngin bədii irsinə nəzər salınıb, tələbələrin ifasında yaradıcılığından poetik nümunələr təqdim olunub. Ədəbi-bədii kompozisiyanı Füzulinin qəzəllərinə bəstələnmiş musiqi parçaları müşayiət edib.

Tərcümə və filologiya kafedrasının müdiri Gülnar Rzayeva, kafedranın müəllimləri Hüseyn Hüseynli, Ülviyyə Əliyeva Məhəmməd Füzuli yaradıcılığından söz açıblar. Mütəfəkkir şairin Azərbaycan ədəbi fikrinin inkişafında müstəsna yeri qeyd edilib. 

Qeyd edək ki, tələbələr ədəbi-bədii gecəyə Tərcümə və filologiya kafedrasının müəllimi Solmaz Süleymanovanın rəhbərliyi ilə hazırlaşıblar.