Çelyabinsk Dövlət Mədəniyyət İnstitutunun (Rusiya Federasiyası) əməkdaşı, təcrübəli rəqs ustası Eldar Cəfərov Bakı Xoreoqrafiya Akademiyasında (BXA)  ustad dərsləri keçirib.

Ustad dərsləri çərçivəsində BXA-nın tələbələrinə rəqslərdə cütlük və ya qrup şəklində ardıcıl icra olunan interaktiv hərəkətlər izah olunub, eyni zamanda, müasir rəqslərdə tətbiq olunan yeniliklər barədə məlumat verilib.

Qeyd edək ki, ustad dərsləri BXA və Çelyabinsk Dövlət Mədəniyyət İnstitutu arasında bu yaxınlarda bağlanmış memorandum əsasında təşkil edilib.