Naxçıvan Dövlət Universitetinin (NDU) İncəsənət fakültəsində ölkəmizin 11-22 noyabr tarixlərində ev sahibliyi etdiyi BMT-nin İqlim Dəyişmələri üzrə Çərçivə Konvensiyası Tərəflər Konfransının 29-cu sessiyasına (COP29) həsr olunmuş “Təbiət aləminə musiqi ilə səyahət” adlı konsert keçirilib.

Azərbaycan və dünya bəstəkarlarının əsərləri, o cümlədən yerli və xarici filmlərdən musiqilərin səsləndirildiyi konsert alqışlarla qarşılanıb.

NDU-nun rektoru Elbrus İsayev, universitetin rəhbər heyəti, müəllim və tələbələrin izlədiyi konsertin bədii rəhbəri Naxçıvan Dövlət Universiteti Fortepiano kafedrasının baş müəllimi Fəridə Ağayevadır.