Bakı Şəhər Mədəniyyət Baş İdarəsinin tabeliyində fəaliyyət göstərən Aşıq Rza Qobustanlı adına Mədəniyyət evində (Qaradağ rayonu Qobustan qəsəbəsi) çağdaş Azərbaycan poeziyasının tanınmış simalarından olan şair, publisist Rüstəm Behrudi ilə görüş keçirilib.

Görüşdə şairin həyat və yaradıcılığından bəhs edilib. Bildirilib ki, Rüstəm Behrudi yaradıcılığında türkçülük və dərviş fəlsəfəsi üstünlük təşkil edir. Şair "Yaddaşlara yazın", "Salam, dar ağacı", "Şaman duası", "Yer üzü görüş yeridi", "İblis mələkdən gözəldi", "Tənhalıqda ölüm qorxusu yoxdu", "Din sevdim din üstünə", "Bir dəli ayrılıq kimi" və s. şeir kitablarının, "Göz yaşlarından baxan Allah" adlı fəlsəfi-publisistik kitabın müəllifidir. Şair dövri mətbuatda şeir və publisistik yazıları ilə fəal çıxış edir.

Rüstəm Behrudi yaradıcılığına göstərilən diqqətə görə tədbir iştirakçılarına təşəkkür edib, kitablarını oxucular üçün imzalayıb.