Qax Dövlət Kukla Teatrı Yeni il bayramı günlərində uşaqlara “Qrinç: Şaxta babaya məktub” adlı əyləncəli tamaşa-kompozisiya təqdim edəcək. Bu barədə teatrın baş rejissoru Əməkdar artist Yusif Abdurahmanov məlumat verib.

Tamaşanın ssenari müəllifi və quruluşçu rejissoru İlmar Abdullayev, quruluşçu rəssamı Mayis Abdullayev, musiqi tərtibatçısı Nicat Fətəliyevdir. Hazırda tamaşanın məşqləri davam edir.

2024-cü ilin repertuar planına daxil edilən Vladimir Orlovun “Qızıl cücə” əsəri əsasında səhnələşdirilən eyniadlı tamaşanın məşqləri isə başa çatıb və dekabrın 20-də tamaşaya daxili baxış olacaq. Tamaşanın quruluşçu rejissoru Araz Mehrablı, rəssamı Mayis Abdullayev, musiqi tərtibatçısı Nicat Fətəliyevdir.