Ötən il XX əsr Azərbaycan aşıq sənətinin görkəmli nümayəndəsi Mikayıl Azaflının (1924–1990) 100 illik yubileyi ölkəmizdə və xaricdə bir sıra tədbirlərlə qeyd olundu. Saz-söz sənətkarının yubiley tədbirləri bu il də davam edir.

Martın 17-də “Aşıq sənətində milli-mənəvi dəyərlər” mövzusunda beynəlxalq elmi simpozium keçiriləcək.

AMEA-nın Folklor İnstitutu, Qars Qafqaz Universitetinin Dövlət Konservatoriyası, Ankara Musiqi və Gözəl Sənətlər Universitetinin nəzdindəki Aşıq Ənənəsi Tətbiq və Araşdırma Mərkəzi və Tovuz Rayon Xeyriyyə Cəmiyyətinin birgə təşkilatçılığı ilə reallaşacaq simpoziumun hibrid formada keçirilməsi nəzərdə tutulur.

Simpoziumda iştirak etmək istəyənlər “Mikayıl Azaflının sənət yolu”, “Aşıq sənətində milli-mənəvi dəyərlər”, “Aşıq sənətinin tarixi kökləri və problemləri” mövzuları üzrə tezislərini 25 fevral 2025-ci il tarixinə qədər azafli2025@gmail.com e-mail ünvanına göndərə bilərlər.