Azərbaycan Turizm və Menecment Universitetində (ATMU) Birləşmiş Ərəb Əmirliklərinin ali təhsil sistemi nümayəndələri ilə görüş keçirilib. ATMU-nun rektoru səlahiyyətlərini icra edən Eldar Aslanov ali təhsil ocağının yaranma tarixi, xarici əlaqələri, tədris sistemi və ölkəmizdə turizm sənayesinin inkişafı haqqında qonaqlara ətraflı məlumat verib. E.Aslanov söhbət əsnasında universitetlərarası əlaqələrin qurulmasına və ATMU tələbələrinin BƏƏ-də istehsalat-təcrübə proqramlarında iştirakına da önəm verdiyini bildirib.