"Excelsior Baku" hotelində tələbələr üçün peşəkar tədris proqramı davam edir.
"AtaHolding" ASC-dən bildiriblər ki, "Excelsior Baku Hotel”in insan resursları departamenti tərəfindən tələbələrin təcrübə toplaması üçün hazırlanmış proqramda Azərbaycan Turizm və Menecment Universitetinin tələbələri, kulinar və aşpaz hazırlayan texniki-peşə məktəblərinin şagirdləri iştirak edirlər.
Pulsuz öyrədici proqram 6 ay üçün nəzərdə tutulub və sonda müvafiq sertifikat verilir.
Hotelin insan resursları departamentinin meneceri Kamran Rzayev qeyd edib ki, bu il 15 apreldən 15 sentyabradək dövrü əhatə edən proqram üzrə 25 tələbə insan resursları, müştəri xidməti, marketinq və satış departamentlərində təcrübə keçir.