Azərbaycan Respublikasının Gənclər və İdman Nazirliyi və Koreya Respublikasının Milli Gənclər Komissiyası arasında əməkdaşlıq memorandumuna əsasən, ölkəmizdə səfərdə olan koreyalı gənclərdən ibarət 11 nəfərlik heyət İsmayıllıya gəlib.
Qonaqlar Gənclər və İdman Nazirliyinin sektor müdiri Elşən Hüseynovun və rayon Gənclər və İdman idarəsinin rəisi Taleh Salehovun müşayiəti ilə Lahıc qəsəbəsində olublar.
Koreyalı gənclər Lahıcın timsalında milli mətbəximiz, xalq sənətkarlığımız, etnoqrafiyamız, milli memarlığımız və şəhərsalma mədəniyyətimiz barədə hərtərəfli məlumat alıblar.
İsmayıllıya səfər qonaqlarda xoş təəssürat yaradıb.