Avqustun 26-dan sentyabrın 4-dək Türkiyənin İzmir şəhərində 85-ci Beynəlxalq İzmir sərgisi keçiriləcək.
İzmir sərgisi ticarət, mədəni və təbii irs, incəsənət, idman, əyləncə, texnoloji, dizayn, mətbəx və s. bir araya gətirən Türkiyənin ən böyük sərgisidir. Bu il sərgiyə 30-dan artıq ölkənin qatılacağı gözlənilir. Sərginin builki mövzusu olaraq müəyyən edilən innovasiya "Gələcək İzmirdə" şüarı ilə tanıdılacaq.
Builki sərginin tərəfdaş ölkəsi Malayziya, şərəf qonağı Türkiyənin Manisa şəhəridir.
On gün müddətində davam edəcək sərgidə müxtəlif mədəniyyət-sənət tədbirlərini ziyarətçilər ödənişsiz izləyə biləcəklər.