Naxçıvan Turizm İnformasiya Mərkəzinin saytı (www.turizm.nakhchivan.az) yenilənib, saytda bölgənin tarixi, təbiəti, şəhər və rayonları, burada inkişaf etdirilən turizm növləri, mövcud turizm marşrutları, turistlərə xidmətlər təklif edən müəssisələr və s. haqqında məlumatlar, fotoqalereya yerləşdirilib.
Saytda kənd turizmi ilə bağlı məlumatlar da maraq doğurur. Naxçıvanda bu turizm növünün inkişafı məqsədilə aparılan maarifləndirici tədbirlər öz faydasını verir. Muxtar respublikada bu tipli kənd evlərində ölkəmizin digər yerlərindən gəlmiş qonaqlar istirahət edirlər.
Naxçıvan Turizm İnformasiya Mərkəzinin saytındakı bütün bu məlumatlarla ingilis dilində də tanış olmaq mümkündür.