19-21 sentyabr tarixində Bakı Ekspo Mərkəzində keçirilən 22-ci Beynəlxalq səhiyyə sərgisində (“BIHE 2016”) Azərbaycan Sağlamlıq və Termal Turizmə Dəstək İctimai Birliyi də təmsil olunur. Sərgi müddətində quruma daxil olan sanatoriya və hotellər haqqında iştirakçı və ziyarətçilərə ətraflı məlumat verilir.
Tədbir çərçivəsində bir sıra rəsmi şəxslər ictimai birliyin stendini ziyarət edərək Azərbaycanın sağlamlıq turizmi potensialı və birliyin fəaliyyəti ilə bağlı məlumatlandırılıb. Eyni zamanda Azərbaycan Sağlamlıq və Termal Turizmə Dəstək İctimai Birliyinin nümayəndələri sərgi çərçivəsində təşkil olunan B2B görüşlərdə iştirak ediblər.