Azərbaycanın Xalq artisti Alim Qasımov və qızı, Əməkdar artist Fərqanə Qasımova Londonun “Wiqmore” konsert salonunda geniş konsert proqramı ilə çıxış ediblər.
Konsertdə ənənəvi olaraq, bir sıra muğamlar, təsniflər və müxtəlif bəstəkar mahnıları səsləndirilib. Xanəndələri Rauf İslamov, Rəfael Əsgərov, Cavidan Nəbiyev və Zəki Vəliyev müşayiət edib.
Xatırladaq ki, Britaniyaya səfər çərçivəsində dünya şöhrətli muğam ustası SOAS Universitetində ustad dərsləri keçib.