“The Beatles” qrupunun keçmiş üzvü Pol Makkartni konsert biletlərinin satış sürətinə görə rekord qırıb. «Associated Press» agentliyinin verdiyi məlumata görə, Pol Makkartninin aprelin 19-da Las-Veqasdakı “The New Joint ” konsert meydançasının açılışında planlaşdırılan çıxışına ayrılan 4 min bilet cəmi 7 saniyəyə satılıb qurtarıb.
   Təşkilatçılar bir saniyəyə 600 bilet satıblar. Pol Makkartninin çıxışı yeni konsert məkanının ilk rəsmi debütü olduğundan, müğənni tamaşaçılar üçün xüsusi və unudulmaz bir proqram hazırlayacağına söz verib.
   Qeyd edək ki, biletlərin satışına görə əvvəlki rekord Britaniyanın “Take That” qrupuna məxsus olub. O zaman bir saniyədə təxminən 40 bilet satılıb.