Şahdağ Turizm Mərkəzində “Salsa & Bacha” festivalı keçiriləcək. Festivala qatılanlar salsa rəqsi ulduzlarının iştirakı ilə bol əyləncə, musiqi və rəqslərdən həzz alacaqlar.
   Noyabrın 11-də təşkil olunacaq festivalda məşhur salsa ustaları İvana Adler-Shaka Brovn və Alba Fernandez-David Moyano cütlükləri Azərbaycanın tanınmış Latın Amerika rəqsi məktəblərinin rəqqaslarına ustad dərsi keçəcəklər. Tədbirdə “Badi Kuba”, “Baila Baku”, “Profi Dance”, “Let's dance studio”, “Buta Salsa” və “Street Salsa” məktəbləri iştirak edəcək.