Yanvarın 18-də Azərbaycan Bəstəkarlar və Rəssamlar ittifaqlarının birgə təşkilatçılığı ilə 20 Yanvar faciəsinin 23-cü ildönümünə həsr olunmuş anım tədbiri keçiriləcək. Azərbaycan Bəstəkarlar İttifaqının Üzeyir Hacıbəyli adına Konsert Salonunda baş tutacaq tədbirdə ittifaqın “Oazis” simli kvartetinin çıxışı, həmçinin rəssamlar Rövşən Məmmədov, Rəfael Muradov, Oqtay Quliyev və Bayram Qasımxanlının əsərlərindən ibarət sərginin təşkili nəzərdə tutulub.