M.S.Ordubadinin xatirə muzeyi və Dövlət Din Tarixi Muzeyinin birgə təşkilatçılığı ilə Qanlı Yanvar hadisələrinin 23-cü ildönümünə həsr olunmuş “Şəhidlər unudulmur” adlı ədəbi-bədii gecə keçirilib. Mərasimdə Dövlət Din Tarixi Muzeyinin direktoru M.Babayev və M.S.Ordubadinin xatirə muzeyinin direktoru L.Abaszadə çıxış ediblər.
   Tədbirdə Qanlı Yanvar mövzusunda məruzələr dinlənilib, 20 Yanvarın Azərbaycan milli azadlıq hərəkatında rolundan söz açılıb, 27, 19, 254 saylı orta məktəblərin şagirdlərinin ifasında şeirlər səsləndirilib. İştirakçılar M.S.Ordubadinin xatirə muzeyinin ekspozisiyasında 20 Yanvar hadisələrinə həsr olunmuş guşə ilə tanış olublar.