Azərbaycan Milli Elmlər Akademiyasının (AMEA) M.Füzuli adına Əlyazmalar İnstitutunun əməkdaşı, filologiya üzrə fəlsəfə doktoru Vüsalə Musalının “Azərbaycan təzkirəçilik tarixi” monoqrafiyası “Elm və təhsil” nəşriyyatında çapdan çıxıb.
   Nəşrdə Azərbaycan ədəbiyyatının ilkin qaynaqlarından hesab olunan təzkirələr araşdırılıb, onların təsnifatı aparılıb, dili, strukturu, əhatə etdiyi coğrafiya öyrənilib. İlk dəfə olaraq Azərbaycan təzkirəçiliyinin XVI-XXI əsrlər mərhələsi tədqiq olunub, azərbaycanlı müəlliflərin 40-a yaxın təzkirəsi təhlil edilib.