Qəbələ Rayon Tarix-Dirarşünaslıq Muzeyində “Qaçqın düşən muzeylərimiz” mövzusunda tədbir keçirilib. Tədbirdə çıxış edənlər mənfur ermənilərin işğalı altında olan yaşayış məntəqələrimizdə məhv olan muzeylər haqqında söhbət açıblar.
Qeyd olunub ki, düşmən əsarətində olan Cəbrayıl Rayon Tarix-Diyarşünaslıq Muzeyinin təxminən 17 min , 1982-ci ildə yaradılmış Füzuli Rayon Tarix-Diyarşünaslıq Muzeyinin 9 min eksponatından 7 minə yaxını paytaxta gətirilib və hazırda İstiqlal Muzeyində qorunub saxlanılır.
Bu gün işğal altında qalan milli-mənəvi sərvətlərimizin, bu sərvətlərin tarixi məkanı olan torpaqlarımızın: Şuşa, Laçın, Kəlbəcər, Xocalı, Qubadlı, Cəbrayıl, Füzuli və s. kimi dilbər guşələrimizin gözü yoldadır. Bu torpaqlar əzəli-əbədi sakinlərini, doğma övladlarını gözləyir.