AMEA-nın Milli Azərbaycan Tarixi Muzeyinin arxeologiya fonduna 73 yeni arxeoloji tapıntı daxil olub. Tapıntılar 2013-2014-cü illərdə akademiyanın Arxeologiya və Etnoqrafiya İnstitutunun Qarabağ neolit-eneolit arxeoloji ekspedisiyası tərəfindən Ağdam rayonunun Xındırıstan və Ayaq Qərvənd kəndləri yaxınlığındakı İsmayılbəytəpə və Fərmantəpə abidələrində aparılmış qazıntılar zamanı aşkarlanıb. Eramızdan əvvəl V-IV minilliklərə aid edilən arxeoloji materiallar saxsı təsərrüfat küpləri, badya, gil sapand daşları və kərpiclərdən ibarətdir.