Berlin şəhər Dövlət Kitabxanasının Otto-Braun zalında türk musiqiçi və bəstəkarı Mustafa Ozhanın xatirəsinə həsr edilmiş konsert gecəsi keçirilib. Konsertdə müxtəlif xalqlardan olan sənətkarlar çıxış ediblər. Berlin İncəsənət Universitetinin professoru xanım Ləman Sayalının muşayiətilə muğənni Erol Uraş, başqa vokal əsərlərlə yanaşı, Fikrət Əmirovun və Tofiq Quliyevin mahnılarını da ifa edib. Azərbaycan musiqisinin nümunələri dinləyicilərin böyük alqışına səbəb olub.