Qəbələdə start götürən Beynəlxalq Musiqi Festivalı çərçivəsində muğam axşamı təşkil olunacaq. Bu barədə xalq artisti, muğam ifaçısı Mənsum İbrahimov məlumat verib. Onun sözlərinə görə, festival çərçivəsində avqustun 21-də muğam axşamının keçirilməsi nəzərdə tutulub. Muğam axşamında xalq artistləri Mənsum İbrahimov və Aygün Bayramova solo-proqramla çıxış edəcəklər. Onlar birlikdə festival üçün iki saatdan artıq proqram hazırlayıb. Muğam ifaçılarını Elçin Həşimov və Elnur Əhmədov müşayiət edəcəklər.