YUNESKO-nun himayəsi ilə "Şərq təranələri" Yeddinci Beynəlxalq musiqi festivalı keçirilib. Musiqi bayramında dünyanın 50-dək ölkəsindən gələn ifaçılar, musiqiçilər, muğam biliciləri və musiqi nəzəriyyəçiləri iştirak ediblər. Tədbirdə Azərbaycanı "Sarı gəlin" xalq çalğı ansamblı təmsil edib. Münsiflər heyətinin qərarı ilə Türkmənistandan gələn musiqi kollektivi "Qran-pri"yə layiq görülüb. Birinci mükafat isə Azərbaycanı təmsil edən "Sarı gəlin" kollektivinə və Özbəkistanın xalq artisti Mətlübə Dadabayevaya verilib. İkinci yeri İsrail və Cənubi Koreya Respublikası, üçüncü yeri isə İtaliya və Küveytin musiqi kollektivləri tutublar.