Bakıdakı uşaq musiqi məktəblərindən biri görkəmli müğənni və bəstəkar, SSRİ Xalq artisti Müslüm Maqomayevin adını daşıyacaq. Nazirlər Kabineti böyük musiqiçinin xatirəsinin əbədiləşdirilməsi məqsədilə Bakı şəhəri 26 saylı Uşaq Musiqi Məktəbinə Müslüm Maqomayevin adının verilməsi barədə qərar qəbul edib. Qeyd edək ki, M.Maqomayev 2008-ci il oktyabrın 25-də Moskvada vəfat edib. Bakıda Fəxri xiyabanda dəfn edilib.