Azərbaycanın “Eurovision-2011” müsabiqəsində təmsilçiləri Eldar və Nigar müsabiqəyə hazırlıq proqramlarının növbəti mərhələsini başa vurublar. Təmsilçilərimizin mayın 10-da Almaniyanın Düsseldorf şəhərində, müsabiqənin birinci yarımfinal mərhələsində ifa edəcəkləri “Running Scared” mahnısının klip çəkilişləri yekunlaşıb və montaj işləri gedir.
   Klipin rejissoru Tarmo Krimdir. O, 2002-ci ildə Tallinndə keçirilən “Eurovision” mahnı müsabiqəsinin prodüseri olub. Eldar və Nigar tanınmış rejissorla işləməkdən çox sevindiklərini bildirirlər. “Running Scared” mahnısının klipi romantik və həssas bir tarixçədən bəhs edir. Gözəl mənzərə və kadrlarla zəngin olan klipin çəkilişləri dəniz sahilində aparılıb.