Aprelin 29-da Beynəlxalq Muğam Mərkəzində Niyazi adına 22 saylı Uşaq Musiqi Məktəbinin saz sinfinin şagirdlərinin konserti olacaq. Məktəbin direktoru Natiq Vəliyevin bildirdiyinə görə, “Sazın neməti” adlı konsertdə məktəbin saz müəllimi, Əməkdar mədəniyyət işçisi Nemət Qasımlı və tələbələri geniş proqramla çıxış edəcəklər. Tədbirdə iştirakçılar müxtəlif yaşlarda gənc aşıqların solo və xor ifalarını dinləyəcəklər.