- 26-10-2011
- 813
Noyabrın 2-də Tofiq Quliyev adına 12 saylı uşaq musiqi məktəbində Mədəniyyət və Turizm Nazirliyinin Mədəniyyətşünaslıq üzrə Elmi-Metodiki Mərkəzi tərəfindən “Kinomuz...musiqimiz...” adlı tədbir keçiriləcək. Musiqili ədəbi-bədii kompozisiya görkəmli bəstəkar, Xalq artisti Tofiq Quliyevə həsr olunacaq. Tədbirdə T.Quliyevin yaradıcılığından söz açılacaq, bəstəkarın mahnılarından, filmlərdə səslənən populyar musiqilərindən bəhs ediləcək. Tədbirdə digər kino bəstəkarlarının da yaradıcılığından söhbət açılacaq, filmlərdən fraqmentlər nümayiş olunacaq.
