Bu ilin mayında İsveçin Malmö şəhərində keçiriləcək “Eurovision-2013” mahnı müsabiqəsində Azərbaycan təmsilçisinin müəyyənləşdirilməsi məqsədilə milli seçim turu davam edir. Yanvarın 7-də başlayan üçüncü seçim həftəsində İctimai Televiziyanın canlı efirində “Eurovision-2013”-də Azərbaycan adından çıxış etmək arzusunda olan daha 9 iştirakçı özünü seçimlərdə sınayır. Milli seçimlərin bu mərhələsi ümumilikdə 8 həftə davam edəcək.
   Həftə içi hər gün axşam çıxış edəcək namizədlər öz performanslarını nümayiş etdirəcəklər. Cümə günü isə həftənin qalibi elan olunacaq. Qalib həm münsiflər heyəti, həm də tamaşaçı səsverməsi ilə müəyyənləşdiriləcək.