Aprelin 27-dən 29-dək Qara Qarayev adına 8 nömrəli 11 illik musiqi məktəbində musiqi nəzəriyyəsi fənləri üzrə üçüncü şəhər olimpiadası keçiriləcək. Bakı Şəhər Mədəniyyət və Turizm İdarəsinin təşkilatçılığı və uşaq musiqi və incəsənət məktəblərinin Direktorlar Şurasının təqdimatı ilə reallaşacaq olimpiada ulu öndər Heydər Əliyevin anadan olmasının 90 illiyinə həsr edilib. Dörd mərhələdən ibarət olacaq olimpiadada uşaq musiqi və incəsənət məktəblərinin şagirdləri iştirak edəcəklər.