Tanınmış azərbaycanlı pianoçu, bəstəkar və caz ifaçısı Əzizə Mustafazadə Türkiyədə möhtəşəm konsertlə çıxış edib. Musiqiçi XIV Beynəlxalq Antalya Piano Festivalı çərçivəsində “Şəhərdə musiqi var” şüarı ilə keçirilən konsertdə zəngin repertuarla tamaşaçıları valeh edib. Aşıq Veysəlin “Uzun incə bir yoldayam” mahnısını da ifa edən Əzizə Mustafazadə bir saatdan çox müddətdə musiqisevərlərə xoş anlar bəxş edib.
Qeyd edək ki, Antalya Mədəniyyət Mərkəzində təşkil olunan festival noyabrın 8-də start götürüb, ayın 30-dək davam edəcək.