Noyabrın 28-də Müslüm Maqomayev adına Azərbaycan Dövlət Filarmoniyasının kamera və orqan musiqisi zalında Azərbaycan Dövlət Fortepiano Triosunun konserti olub. Əməkdar artistlər Nərgiz Əliyarova (fortepiano), Töhfə Babayeva (skripka) və Səbinə İbrahimovanın (violonçel) ifasında Azərbaycan və Qərbi Avropa bəstəkarlarının əsərləri səsləndirilib. Konsertin solisti beynəlxalq müsabiqələr laureatı Fərid Əliyev (tenor) idi.