Fevralın 2-dən 9-dək Estoniyanın Narva şəhərində gənc pianoçuların X beynəlxalq Şopen müsabiqəsi keçiriləcək. Narva şəhər idarəsi tərəfindən ənənəvi olaraq iki ildən bir təşkil edilən beynəlxalq yarışmada 14 ölkədən musiqiçilər iştirak edəcəklər.
Müsabiqədə iştirak etmək üçün artıq 61 gənc pianoçu qeydiyyatdan keçib. Təşkilat komitəsinin rəhbəri Qalina Moldon bildirib ki, bu il iştirakçıların sayı əvvəlki müsabiqələrə nisbətən çoxdur. Müsabiqəyə Azərbaycandan da gənc musiqiçilər qatılacaqlar.