Layihənin beşinci konserti keçiriləcək

Mədəniyyət və Turizm Nazirliyinin və Heydər Əliyev Sarayının birgə təşəbbüsü və təşkilatçılığı ilə reallaşan “Gəncləşən muğam” layihəsi davam edir. Layihə çərçivəsində fevralın 2-də Heydər Əliyev Sarayında xanəndələrin “Gəncləşən muğam-5” adlı konserti keçiriləcək.
Heydər Əliyev Sarayından bildiriblər ki, Xalq artisti, professor Mənsum İbrahimov ilə əməkdar artistlər - tarzən Elçin Həşimov və kaman ifaçısı Elnur Əhmədovun birgə layihəsi olan bu konsert proqramında xalq və bəstəkar mahnıları, o cümlədən muğamlarımızdan parçalar səslənəcək. Konsertin biletləri artıq satışdadır.