Yanvarın 15-də İsraildə Azərbaycanın əfsanəvi müğənnisi və bəstəkarı, SSRİ Xalq artisti Müslüm Maqomayevin xatirəsinə həsr olunmuş silsilə konsertlərə start verilib. Konsert proqramlarında müğənninin repertuarından məşhur musiqi nömrələri təqdim edilir, sənətkarın nadir foto və videokadrları nümayiş olunur.
Fevralın 8-dək İsrailin 10-dək şəhərində gerçəkləşəcək tədbirlərdə bu ölkənin məşhur opera solistlərindən Anastasia Pek, Qalina Malin, Aleksey Kanunnikov, Yakov Strizhak, pianoçular Aleksandr İvanov, Marina Findel və başqaları çıxış edəcəklər.