Xəzər Strateji Araşdırmalar İnstitutunun Türkiyədə türk, ingilis və rus dillərində nəşr etdirdiyi “Hazar World” jurnalının yanvar nömrəsində “Türkvizyon” beynəlxalq mahnı müsabiqəsinin qalibi olan azərbaycanlı Fərid Həsənovdan bəhs edilib. “Türkvizyon”un ilk ünvanı: Eskişehir” sərlövhəli məqalədə bildirilir ki, müsabiqə türk dünyasından 300 milyon insanı ekran qarşısına toplayıb.
Yarışmanın türk dünyasının müasir musiqisinin dünyada tanıdılması və türkdilli xalqlar arasında mədəni əlaqələrin möhkəmlənməsinə xidmət etdiyi, 24 təmsilçinin qatıldığı yarışmada azərbaycanlı Fərid Həsənovun qalib olduğu vurğulanır.