Martın 5-də Üzeyir Hacıbəyli adına Bakı Musiqi Akademiyasının böyük zalında Əməkdar incəsənət xadimi, sənətşünaslıq doktoru, professor Tərlan Seyidovun fortepiano sinfinin tələbələrinin növbəti konserti təqdim olunacaq. Konsertdə Gülnar Adıgözəlova, Nigar Hüseynzadə, Firuzə Nəcəfli, Kamran Əliyev və beynəlxalq müsabiqə laureatı Anna Biryukova çıxış edəcəklər. Proqrama V.A.Motsart, L.V.Bethoven, F.Şubert, F.List, S.Prokofyev kimi görkəmli bəstəkarların əsərləri daxildir.