Mayın 15-dən 25-dək Parisdə XIV Sen Jermen De-Pre (Festival Jazz a Saint-Germain-des-Pres Paris) caz festivalı keçiriləcək. Mötəbər festivalda Azərbaycanı Əməkdar artist İsfar Sarabski təmsil edəcək.
Avropa Azərbaycan Cəmiyyətinin (AAC) saytında verilən məlumata görə, ötən ilin dekabrında uğurlu çıxışından sonra İsfar Sarabski triosu mayın 16-da Parisin məşhur caz festivalına zəfərlə qayıdacaq. Onun çıxışı AAC tərəfindən dəstəklənəcək.