Aprelin 14-dən 20-dək Fransanın paytaxtı Parisdə gənc ifaçıların XXV “Flame” beynəlxalq müsabiqəsi keçirilib. Müsabiqədə 39 ölkədən ifaçılar fortepiano, skripka, violonçel və vokal nominasiyalarında yarışıblar.
Bakıdakı Bülbül adına orta ixtisas musiqi məktəbinin IX sinif şagirdi Cəmilə Əsgərzadə müsabiqədə uğurla çıxış edərək birinci yerə layiq görülüb. Əməkdar müəllim Fatimə İdyatulinanın sinfində dərs alan gənc skripkaçı bu müsabiqədən əvvəl Tbilisi şəhərində keçirilən “Gələcəyin ulduzları” adlı konsertdə Azərbaycanı layiqincə təmsil edib.