Noyabrın 20-də İsveçrənin Luqano şəhərindəki “RSI” auditoriyasında Arnold Şönberqin “İntizar” monodramı Əməkdar incəsənət xadimi, bəstəkar Fərəc Qarayevin redaktəsində səsləndiriləcək.
Fərəc Qarayevin saytında yer alan məlumata görə, əsər “Ensemble 900” tərəfindən təqdim olunacaq. Orkestrə Arturo Tamayo dirijorluq edəcək. Solist Kerol Sidni Luis (soprano) olacaq.
Qeyd edək ki, görkəmli avstriyalı bəstəkar Arnold Şönberqin böyük orkestr və soprano üçün yazdığı “İntizar” monodramını Fərəc Qarayev 2004-cü ildə instrumental ansambl və soprano üçün işləyib.