Dünən Azərbaycan Bəstəkarlar İttifaqının binasının əsaslı təmir və yenidənqurmadan sonra istifadəyə verilməsi mərasimi olub.
   Azərbaycan Prezidenti İlham Əliyev və xanımı Mehriban Əliyeva mərasimdə iştirak ediblər. İlham Əliyev və Mehriban xanım Əliyeva binada aparılmış bərpa və yenidənqurma işləri ilə tanış olublar. Bəstəkarlar İttifaqının sədri Firəngiz Əlizadə tarixi binanın yenidən istifadəyə verilməsini və yüksək səviyyədə təmir-bərpa işlərinin aparılmasını bəstəkarların dərin razılıq hissi ilə qarşıladıqlarını bildirib. Prezident mərasim iştirakçılarını təbrik edib, onlara gələcək fəaliyyətlərində uğurlar arzulayıb.