Dünyaşöhrətli ulduz Madonna ilə rejissor Qay Riçi boşanıblar. "Associated Press" agentliyinin məlumatına görə, pop musiqinin kraliçası sayılan 50 yaşlı Madonna hazırda dünya turnesi çərçivəsində Filadelfiyadadır. Onun keçmiş həyat yoldaşı isə iki oğlu ilə birgə Londondadır. Tanınmış rejissor öz ölkəsində Şerlok Holms barədə film çəkir. Boşanma ilə bağlı məhkəmə prosesi də Londondakı High Holborn Ədliyyəsi Yüksək Ailə Məhkəməsində keçirilib. Təxminən 5 dəqiqə çəkən prosesdə məhkəmə cütlüyün iki uşağı - Rokko və Devid Bandanın Londonda atalarının və Amerikada analarının yanında qalmalarına icazə verib.