İyunun 18-də M.Maqomayev adına Dövlət Filarmoniyasında məşhur Rusiya musiqiçilərinin iştirakı ilə geniş konsert proqramı təqdim ediləcək. Filarmoniyadan verilən məlumata görə, Ü.Hacıbəyli adına Dövlət Simfonik Orkestrinin konsertində məşhur musiqiçi Yuri Başmetin qızı, tanınmış pianoçu Kseniya Başmet Elşad Bağırovun dirijorluğu ilə fortepianoda solo ifa edəcək.
   Konsert alman bəstəkarı Rixard Vaqnerin “Tanqeyzer” uvertürası ilə açılacaq. Həmçinin orkestrlə birgə Bethovenin fortepiano üçün Birinci konserti və müasir bəstəkarların bir sıra digər musiqi əsərləri ifa olunacaq.